ABŞ Prezidenti Donald Tramp Kanadanı kifayət qədər müdafiə xərcləri olmayan “yararsız ölkə” adlandırıb.
Sfera.az xəbər verir ki, bu barədə bazar günü Ağ Evin mətbuat xidməti məlumat yayıb.
“Onlar müdafiəyə çox az pul xərcləyirlər. Onlar tamamilə müdafiəsizdirlər, çünki bizim onları qoruyacağımızı güman edirlər. Amma fakt budur ki, biz onlara ildə təxminən 200 milyard dollar subsidiya veririk. Əgər biz bunu dayandırsaq, tariflər tətbiq etməklə onların avtomobil istehsal etməsinə mane olsaq, onlar həyat qabiliyyətli ölkə olmayacaqlar", - Tramp bildirib.
“Mən Kanada xalqını sevirəm, bizim əla münasibətimiz var və onların edə biləcəyi ən böyük şey 51-ci ştat olmaqdır. Təsəvvür edin ki, bu ölkə illər əvvəl kiminsə çəkdiyi süni xətt [sərhəd] olmadan necə gözəl ola bilərdi", - Amerika lideri əlavə edib.
Trampın milli təhlükəsizlik üzrə müşaviri Mayk Uols fevralın 9-da bildirib ki, prezident Kanadanı işğal etməyi planlaşdırmır.
Firuzə Əliyeva
