Avtomobilin işlənmiş qaz tullantı sistemində yaranan nasazlıq salona kənar səslərin və işlənmiş qaz qoxusunun gəlməsinə gətirib çıxaracaq.
Avtosfer.az xəbər verir ki, bu sözləri avtomobil eksperti Aleksandra Qabarayeva deyib.
Ekspert qeyd edib ki, nasazlıq baş verdikdə həm tez-tez qaz tullantı sistemindən, həm də mühərrik işlədiyi zaman kəskin səslər gəlir. Bu isə mühərrikin işinə mənfi təsir göstərir, benzin istehlakını artırır.
A.Qabarayeva söyləyib ki, səsboğucunun orta xidmət müddəti materialların keyfiyyətindən və işləmə müddətindən asılı olaraq 3-6 ildir. Alüminiumlu poladdan hazırlanmış səsboğucunun işləmə müdəti 3-4 il, paslanmayan poladdan hazırlanan məhsullar isə daha uzun müddət davamlı olur:
“Qısa səfərlər zamanı səsboğucuda kondensasiya yığılır və bu, hissənin korroziyasına gətirib çıxarır.
Səsboğucunun xidmət müddətini uzatmaq üçün isə vaxtaşırı korroziyaya qarşı qabaqlayıcı tədbirlər görmək lazımdır”.
Namiq Musayev
