Samsung məhsul çeşidini genişləndirmək üçün işləməyə davam edir.
News24.az xəbər verir ki, Cənubi Koreya markasının üzərində işlədiyi modellərdən biri də Galaxy F16 5G-dir.
Bir müddətdir gündəmdə olan Samsung-un Galaxy F16 5G modeli SM-E166P model nömrəsi ilə Google Play Dəstəklənən Cihazlar siyahısında görünüb. Bu smartfonun heç bir texniki xüsusiyyətlərini təsdiqləməsə də, təqdimatın çox yaxında olacağından xəbər verir.
Keçmiş hesabatları nəzərə alaraq deyə bilərik ki, model MediaTek Dimensity 6300+ prosessoru ilə təchiz ediləcək. Üstəlik, 8 GB LPDDR4X RAM ilə gələ bilər. Digər tərəfdən, 128/256 GB seçimləri ilə görünə bilər. Daha çox yer istəyənlər üçün microSD kart dəstəyi mövcud olacaq.
Günel Məlikzadə
