Böyük Britaniyalı Brendon Qrimşou 13 min dollara Seyşel adalarında kiçik bir kimsəsiz ada alıb və orada əbədi olaraq köçdü. Qrimşou qırx yaşına çatanda qəzet redaktorluğunu tərk edərək yeni həyata başladı.
O vaxta qədər adaya 50 il ərzində heç bir insan ayaq basmamışdı. Əsl Robinzona həyatına başlayan Brendon özünə dost tapdı. Onun adı René Lafortin idi. Brendon və Rene yeni evlərini təchiz etməyə başladılar. Rene adaya yalnız ara-sıra baş çəksə də, Brendon onilliklər boyu adada tək yaşadı və oranı heç vaxt tərk etmədi.
Qrimşou və Lafortin 39 il ərzində öz əlləri ilə 16.000 ağac əkmiş və təxminən 5 km yol çəkdilər. 2007-ci ildə Rene Lafortin dünyadan köçdü və Brendon adada tək qaldı.
81 yaşlı qoca 2000 yeni quş növünü və bundan başqa dünyanın qalan hissəsində (Seyşel adaları da daxil olmaqla) nəsli kəsilmək təhlükəsi ilə üzləşən yüzdən çox nəhəng tısbağanı adaya cəlb etdi. Qrimşonun səyləri sayəsində bir vaxtlar heç kim yaşamayan ada indi Seyşel adalarının faunasının üçdə ikisinə ev sahibliyi edir. Tərk edilmiş bir torpaq parçası əsl cənnətə çevrildi.
Bir neçə il əvvəl Səudiyyə Ərəbistanı şahzadəsi ada üçün Brendon Qrimşova 50 milyon dollar təklif etsə də, qoca “Mən adanın zənginlərin sevimli istirahət məkanına çevrilməsini istəmirəm. Hər kəsin zövq ala biləcəyi milli park olsa, daha yaxşı olardı”, – deyərək təklifdən imtina etdi.
Brendon arzusuna nail oldu. 2008-ci ildə ada həqiqətən milli park elan edildi.
