NATO-nun baş katibi Mark Rutte bildirib ki, Rusiya prezidenti Vladimir Putin, hər hansı bir müttəfiqə hücum edərsə, cavab "dağıdıcı" olacaq.
Mark Rutte NATO-ya üzv ölkələrin müdafiə nazirləri toplantısından əvvəl jurnalistlərə açıqlama verib. Avropanın müxtəlif kəşfiyyat agentliklərinin hesabatları fonunda NATO-nun Rusiyanın mümkün hücumuna hazır olub-olmadığı ilə bağlı sualı cavablandıran Mark Rutte alyansın cavab vermək üçün yaxşı mövqedə olduğunu bildirib.
"Əgər Putin NATO-ya hücum etsə, cavab dağıdıcı olacaq. O, uduzacaq. Buna görə də buna cəhd etməsin", - deyə Mark Rutte vurğulayıb.
