Yapon avtomobil istehsalçıları Honda Motor və Nissan Motor şirkətlərin inteqrasiyası ilə bağlı danışıqları dayandırmaq qərarına gəliblər.
Honda və Nissan, "nəqliyyat vasitələrinin elektrikləşdirilməsi dövründə sürətlə dəyişən bazar mühitindəki dəyişikliklərə cavab olaraq qərarların qəbulu və biznes tədbirlərinin həyata keçirilməsi sürətinə" diqqət yetirərək, inteqrasiyadan uzaqlaşmağın məntiqli olacağı qənaətinə gəliblər.
Şirkətlər, o cümlədən Nissan-ın Honda-nın 100% törəmə şirkəti olacağı səhm mübadiləsini və Honda-nın Direktorlar Şurasında əksər yerlərə sahib olacağı ortaq bir holdinq yaratmağı düşünürdülər.
Honda və Nissan indi "kəşfiyyat və elektrik avtomobilləri dövrünə yönəlmiş" strateji tərəfdaşlıqda əməkdaşlıq edəcəklər.
Şirkətlər bildiriblər ki, Honda, Nissan və Mitsubishi Motors arasında üçtərəfli əməkdaşlığın strukturuna dair anlaşma memorandumu da ləğv edilib.
Cümə axşamı Tokioda ticarətin sonunda Honda səhmləri 2,1%, Mitsubishi - 0,8% artıb. Nissan səhmləri 0,3% ucuzlaşıb.
Almaz Həsənli
