"Barselona"nın idman direktoru Deko Kataloniya klubu ilə müqaviləsi cari mövsümün sonuna qədər olan qapıçı Voyçex Şesninin gələcəyi ilə bağlı açıqlama verib.
90deqiqe.Az xəbər verir ki, “Sport.es" Dekonun dediklərini belə çatdırıb.
“Əgər o [Şçesni] hər şeydən razıdırsa, o, nəzərə alınmalı olan oyunçudur, çünki o, gələn mövsüm bizə çox şey verə bilər. Onun planlarından hələ xəbərim yoxdur. Biz hələ bu barədə danışmamışıq, lakin yaxın gələcəkdə mütləq danışacağıq”
Polşalı futbolçu ötən ilin oktyabrında "Barselona"ya keçib. Bu müddət ərzində 34 yaşlı oyunçu bütün turnirlərdə doqquz qarşılaşmada iştirak edib, onlardan dördündə qapını təmiz saxlayıb. Transfermarkt portalında verilən məlumata görə, futbolçunun bazar dəyəri 1 milyon avrodur.
