Yanvarın sonuna olan məlumata görə, Ermənistanda cəzaçəkmə müəssisələrində 318 əcnəbi var.
Publika.az Ermənistan mətbuatına istinadən xəbər verir ki, onların ən çoxu İran vətəndaşlarıdır. İkinci yerdə Rusiya, üçüncü yerdə isə Hindistan vətəndaşları gəlir.
İlk onluğa Gürcüstan, Misir, Əfqanıstan, Türkiyə, İraq, Suriya və Livan vətəndaşlığı olan məhbuslar daxildir.
Ermənistanda həbsxanalarda Peru, Yunanıstan, ABŞ, Banqladeş, Əlcəzair, Yəmən, Özbəkistan, Qırğızıstan, Qvatemala, Dominikan Respublikası, Latviya, Almaniya, İspaniya, Hollandiya, Livan, Venesuela, Cənubi Afrika, Tunis, İsrail, Cənubi Koreya, Belarus, Qazaxıstan və Türkmənistan vətəndaşları da var.
