Ermənistanın kürd icmasının üzvləri Kürdüstan Fəhlə Partiyasının (terror təşkilaıt PKK) lideri Abdulla Öcalanın həbsinin 26-cı ildönümü ilə əlaqədar BMT-nin İrəvandakı ofisi qarşısında etiraz aksiyası keçirib.
“Cebheinfo.az” xəbər verir ki, əllərində PKK, Suriya Demokratik Qüvvələri, Xalq Müdafiə Birliklərinin bayraqları və Öcalanın özünün şəkli olan nümayişçilər İrəvanın mərkəzindən keçiblər.
Bundan əvvəl Türkiyə nəşrləri Öcalanın bu gün tərəfdarlarına müraciət edə biləcəyini yazmışdılar.
Xatırladaq ki, minlərlə insanın ölümünə səbəb olan PKK-nın qurucusu və lideri 1999-cu ildən Mərmərə dənizinin cənub-şərq hissəsində yerləşən İmralı adasındakı həbsxanada ömürlük həbs cəzasını çəkir.
