Argentina prezidenti Xavyer Miley ABŞ Hökumətinin Səmərəliliyi Departamentinin rəhbəri İlon Maska elektrikli mişar hədiyyə edib.
Herbiand.az bildirir ki, Mask bu aləti bürokratiyaya qarşı silah adlandırıb.
İlon Maskın Mühafizəkar Siyasi Fəaliyyət Konfransında çıxışı zamanı Miley elektrikli mişarla səhnəyə çıxıb. Argentina prezidenti instrumenti Maska verib. O mişarı götürərək təşəkkür edib, sonra isə prezidentin əlini sıxıb. Bundan sonra aləti başının üstünə qaldırıb.
“Bu mişar bürokratiya üçündür! Elektrikli mişar”, - Mask aləti yelləyərək qışqırıb.
Elektrik mişarı 2023-cü il dekabrın 10-da prezident kimi fəaliyyətə başlayan Xavyer Mileyin seçki kampaniyasının əsas simvolu olub.
Bəxtiyar CƏFƏRLİ
