Sloveniya UEFA reytinqində Azərbaycana yaxınlaşır.
Bu, avrokuboklarda ötən gün baş tutan oyunlardan sonra reallaşıb.
Azərbaycan hazırda 19.625 əmsalla 28-ci pillədə qərarlaşıb. 19.468 əmsalı olan Sloveniya 29-cudur.
Bu ölkənin təmsilçilərindən "Olimpiya" Konfrans Liqasının pley-off mərhələsinin cavab matçında evdə Bosniya və Herseqovinanın "Borats" kollektivi ilə qolsuz heç-heçə edib. Səfərdə 0:1 hesabı ilə uduzan komanda mübarizəni dayandırıb. "Sele" isə eyni turnirdə Kiprdə APOEL-ə qalib gəlib - 2:0. Evdə heç-heçəyə (2:2) razılaşan Sloveniya təmsilçisi 1/8 finala yüksəlib.
Qeyd edək ki, cədvələ 106,624 əmsalla İngiltərə başçılıq edir.
