ABŞ gələcəkdə Rusiyaya qarşı sanksiyaları ləğv etməyi düşünür, lakin hazırda müvafiq razılaşmalar yoxdur.
Publika.az xəbər verir ki, bunu ABŞ Prezidenti Donald Tramp Ağ Evdə jurnalistlərlə söhbətində deyib.
“Düşünürəm ki, nə vaxtsa belə olacaq, amma indi biz heç kimə qarşı sanksiyaları ləğv etmək barədə razılığa gəlməmişik”, - ABŞ lideri Rusiya əleyhinə məhdudiyyətlərin aradan qaldırılması imkanının nəzərdən keçirilib-keçirilməməsi ilə bağlı suala cavab verib.
Fevralın 21-də Rusiya Prezidenti Vladimir Putin Gələcəyin Texnologiyaları Forumunun plenar iclasında çıxış edərək, xarici sanksiyaların təzyiqinin Rusiya elminin və biznesinin inkişafı üçün katalizatora çevrildiyini bildirib.
