“Real”ın baş məşqçisi Karlo Ançelotti fransalı ulduz hücumçu Kilian Mbappenin Madrid klubuna gəlişini qiymətləndirib.
Arena.az italyan mütəxəssisin bu barədə qənaətini təqdim edir:
“Bizim düşərgəmizdə yaxşı ab-hava var. Mbappe təvazökarlıqla buyurdu, ab-hava daha da yaxşılaşdı, daha da artıq əminlik meydana gəldi, çünki dünyanın ən yaxşı futbolçularından biri gəldi. Eqo səviyyəsində bu, heç nəyi dəyişmir. Biz, əvəzlənmələri gərək olan çoxlu vacib şəxsiyyəti itirmişik. Biz Naço, Kroos, Karvaxalı itirmişik… Bu similar ab-hava yaradırlar, Kamavinqa, Tçuameni, Valverdi, “Vini”, Rodriqo kimi gənc oyunçular isə tədricən onların yerlərini tutmalıdırlar”, deyə Ançelotti vurğulayıb.
Mbappe futbola Fransanın “Bondi” klubunda qədəm qoyub. Ardınca “Klerfonten”ə keçib, oradan isə “Monako”ya yol tapıb və böyük futbolda məhz “Monako” ilə debüt edib.
2015-2018-ci illərdə Knyazlıq klubunun əsas komandasında çıxış etmiş Mbappe, 2018-ci ilin iyulunda 180 milyon avro müqabilində PSJ-yə keçib. Kilian 2018-2024-cü illər aralığında Paris klubunun heyətində 307 oyuna çıxıb, 256 qol, 108 məhsuldar ötürmə ilə yadda qalıb. Vurduğu 256 qolla Kilian PSJ tarixinin ən sərrast futbolçusudur.
Mbappe 2024-cü ilin iyul ayında PSJ-dən azad agent qismində ayrılaraq “Real”a keçib. “Kral klubu” fransalı hücumçu ilə müddəti 2029-cu ilin iyun ayının sonuna qədər qüvvədə olacaq müqavilə imzalayıb.
Cari mövsümdə Mbappe “Real”ın heyətində 39 oyuna çıxıb, 28 qol vurub, 5 məhsuldar ötürmə verib.
Mbappe hazırda kapitanı olduğu, 2017-ci ilin martında debüt etdiyi Fransa yığmasının heyətində 86 oyun keçirib, 48 qol vurub və 35 məhsuldar ötürmə verib. Kilian “xoruzlar”la 2018-ci ildə Rusiyada keçirilmiş dünya çempionatının (DÇ-2018) və UEFA Millətlər Liqasının (2021) qalibi olub.
Klub səviyyəsində Mbappe PSJ ilə 6 dəfə və “Monako” ilə 1 dəfə Fransa Liqa 1-in, 4 dəfə Fransa Kubokunun, 2 dəfə Fransa Liqa Kubokunun, 3 dəfə Fransa Super Kubokunun qalibi olub, həmçinin dəfələrlə müxtəlif fərdi mükafatlara layiq görülüb. “Real”la isə Mbappe UEFA Super Kubokunun (2024) və FIFA Qitələrarası Kubokun (2024) qalibi olub.
“Transfermarkt” internet-portalı 26 yaşlı fransalı hücumçunun transfer dəyərini 160 milyon avro məbləğində qiymətləndirir.
