“WhatsApp” tətbiqi açılarkən onun interfeysinin yaşıl rəngdə olduğu müşahidə edilib. Metbuat.az xəbər verir ki, “WhatsApp” interfeysində yaşıl tonlara keçid proqramın ən son yeniləməsinin bir hissəsidir. Məlumata görə, “WhatsApp” bu dəyişikliyi istifadəçi təcrübəsini davamlı olaraq təkmilləşdirmək və dünyanın ən populyar mesajlaşma proqramı kimi mövqeyini qorumaq məqsədi ilə həyata keçirib. Bildirilir ki, bu, təkcə estetik yenilik deyil, həm də “WhatsApp”ın istifadəçilərinin ehtiyaclarına və seçimlərinə uyğunlaşma öhdəliyini simvollaşdırır. Meta şirkətinin açıqlamasına görə, bu dəyişiklik "WhatsApp”a müasir, yeni təcrübə gətirmək və tətbiqi daha əlçatan etmək məqsədilə edib. İstifadəçiləri yormayan yaşıl ton insanlara daha rahat və cəlbedici mesajlaşma təcrübəsi vəd edir. Qeyd edək ki, yaşıl rəng “WhatsApp”ın brend kimliyinin əsas hissəsi olub. Bu rəng yenilik və təhlükəsizliyi simvollaşdırır.
