Suriyanın paytaxtı Dəməşq ətrafında təhlükəsizlik qüvvələrinin silahlı dəstələrlə toqquşması qeydə alınıb.
Korrespondent.az xəbər verir ki, bu barədə Suriya telekanalı regional daxili işlər idarəsinin rəisi, polkovnik Hussam əl-Tahana istinadən məlumat yayıb.
"Cermanda polis patruluna hücumdan sonra atışma gedir. Silahlılar polis bölməsinə də daxil olublar, bir neçə hüquq-mühafizə orqanı əməkdaşını tərksilah edib və döyüblər", - əl-Tahan bildirib.
Onun sözlərinə görə, polis əməkdaşı ölümcül xəsarətlər alıb, onu müşayiət edən əməkdaş isə girov götürülüb. Telekanalın həmsöhbəti hücumda əvvəlki hakimiyyətin tərəfdarlarının əli ola biləcəyini vurğulayıb.
