Kriştiano Ronaldo "Əl Nassr"in "İstiqlal"a qarşı oynayacağı Asiya Çempionlar Liqasının 1/8 final mərhələsinin ilk oyununda iştirak etməyəcək. Səbəb isə klubun onu heyətə daxil etməməsidir.
SeherXeber.org xəbər verir ki, 2023-cü ilin sentyabrında “Əl Nassr” Tehran klublarından biri olan "Persepolis"in qonağı olub və Kriştiano Ronaldonun şəhərə gəlişi səbəbilə minlərlə azarkeş komandanın yerləşdiyi hotelin ətrafına toplaşıb.
Oyunçuların təhlükəsizliyinin təmin olunması üçün polis müdaxilə edərək izdihamı dağıtmalı olub.
Bundan sonra Kriştiano Ronaldo əlilliyi olan və ayaqları ilə rəsmlər çəkən Fatimə Hammami Nəsrəbadini qucaqlayaraq onun alnından öpüb. İran qanunlarına əsasən, bu cür jest zina hesab edilə bilər, çünki bu öpüş onun həyat yoldaşı tərəfindən edilməyib. Bu əmələ görə 99 qırmanc zərbəsi cəza kimi tətbiq oluna bilər.
“Əl Nassr” oyunun neytral meydançada keçirilməsi üçün rəsmi məktub göndərsə də, rəqib komanda bu təklifi qəbul etməyib. Buna görə də Kriştiano Ronaldo matç üçün heyətə daxil edilməyib.
Bundan əlavə, təhlükəsizlik rəsmiləri Kriştianoya böyük azarkeş qruplarından qaçmaq üçün Tehrandakı matça getməməyi tövsiyə ediblər. Ronaldonun İran paytaxtına əvvəlki səfəri zamanı küçələrdə böyük iğtişaşlar yaşanmışdı.
Həmidə İbrahimova
