.jpg)
Olaylar.az xəbər verir ki, "Qərbi Avropa liderləri və məmurları indi tam çaşqınlıq içindədirlər, çünki ayaqlarının altından zəmin gedir. Onlar amerikan liberalizminin dayağı üzərində dayanırdılar, lakin indi vəziyyət dəyişir", - Zaxarova Sputnik radiosuna müsahibəsində deyib.
Onun sözlərinə görə, Vaşinqtonda hakimiyyət dəyişikliyi ilə siyasi ritorika da dəyişib. Zaxarova Aİ liderlərinin ya vəzifələrindən getməli, ya da səhvlərini etiraf etməli olduqlarını vurğulayıb.
Diplomat əlavə edib ki, Avropada vəziyyəti düzgün dəyərləndirib, liderlərin yanlış mövqeyinə diqqət çəkə biləcək şəxs ortaya çıxmalıdır.
Makron: Avropa öz təhlükəsizliyini təmin etməlidir
Fransa prezidenti Emmanuel Makron isə 14 fevralda Trampın mümkün qayıdışının Avropa ölkələrini müdafiəyə, sənaye və texnologiya sahəsinə daha çox sərmayə qoymağa təşviq edəcəyini bildirmişdi. O qeyd etmişdi ki, Avropa öz təhlükəsizliyi üçün daha çox məsuliyyət götürməli və iqtisadi müstəqilliyini artırmalıdır. Əks halda, Makronun fikrincə, Aİ uğursuzluqla üzləşə bilər.
Zeynəb Mustafazadə
