“İnter”in baş məşqçisi Simone İnzaqi Çempionlar Liqasının 1/8 finalının “Feyenoord”la ilk oyunundan gözləntisini açıqlayıb.
Arena.az “TuttoMercatoWeb” dərgisinə istinadən, italyan mütəxəssisin bu barədə fikrini təqdim edir:
“Bizim, müdafiənin sol cinahı ilə bağlı fəsadlarımız var. Ancaq oyunun əsasları dəyişmir, biz 1/4 finala çıxmaq üçün buradayıq və biz mümkün olan hər şeyi edəcəyik.
“Feyenoord” çempionat oyununun keçirilmə vaxtını köçürüb – düşünürəm ki, rəqib düzgün edib. Çempionlar Liqasının 1/8 finalının oyunu daha vacibdir, ona görə də rəqibin müvafiq davranışı düzgündür.
“Feye” – gözəl keyfiyyətlərə malik, fiziki cəhətdən güclü bir komandadır. “Feyenoord” özünə ələmə mərhələsində yeri təmin etməsinə rəğmən, “Bayern”i məğlub etmişdi. Onlar “Milan”ı mübarizədən kənarlaşdırıblar. Biz, mərhələnin iki oyundan ibarət olduğunu bilirik, amma ilk oyun nəhəng əhəmiyyət kəsb edir. Bizə, əla bir oyun sərgiləmək gərək olacaq, mən hələ də ən yaxşı həllər haqda düşünürəm ki, komandamın əla oyun oynamasını təmin edim. Bizim bir neçə kiçik fəsadımız var, hansıları ki çözmək gərəkdir, amma mən, bütün komanda üzvləri tərəfindən yüksək hazırlığı da görmüşəm”, deyə İnzaqi vurğulayıb.
İtalyan mütəxəssis “İnter”in Çempionlar Liqasının cari mövsümünü qazanmağa ən gerçək namizəd olması ilə bağlı sualı da cavablayıb:
“Mənə, bunu eşitmək çox xoşdur. Bu, klub üçün çox vacibdir, azarkeşlər üçün də və bütün hamımız üçün, kim ki belə səylə işləyir, israrla çalışır. Üç cəbhədə mübarizə apararaq yarışmaq – bu, böyük fərəhdir. Bizə, ancaq başqalarının necə oynamasına baxmaq xoş deyil. Biz düşünmürük, biz oynayırıq. Biz böyük əminliklə irəliyə doğru hərəkət edirik”.
Hakim “Feyenoord” – “İnter” oyununun başlanğıc fitini martın 5-i saat 21:45-də səsləndirəcək.
