Orlando şəhərində baş verən uğursuz soyğunçuluq zamanı 32 yaşlı Jaythan Lawrence Gilder "Tiffany & Co."nun 769,000 dollar dəyərindəki sırğalarını udub...
Milli.Az xarici mətbuata istinadla xəbər verir ki, o, "Orlando Magic" komandasının oyunçusunun nümayəndəsi kimi davranaraq Tiffany & Co. mağazasına daxil olub və burada 160,000 dollar (4.86 karat) və 609,500 dollar (8.10 karat) dəyərində iki cüt sırğa oğurlayıb.
Gilder əvvəlcə şübhəli kimi saxlanılıb, polisə müqavimət göstərdiyinə görə həbs edilib. Lakin, oğurlanmış sırğalar onun üzərində tapılmadığı üçün əvvəlcə ona ittiham irəli sürülməyib. Həbsxanada olduğu zaman Gilder "qarınımdakına görə məni ittiham edəcəklər?" deyə soruşub və bu, araşdırmalara səbəb olub. Bədən skanı aparıldıqdan sonra onun həzm sistemində hərəkət edən yad cisimlər aşkarlayıb və bunların oğurlanan Tiffany & Co. sırğaları olduğu şübhəsi yaranıb.
Qeyd edək ki, onun 2022-ci ildə Texasda başqa bir Tiffany & Co. mağazasını da soyduğu məlum olub.
Poliqon.info
