Bakı, 6 mart, AZƏRTAC
Polşa ordusunda şəxsi heyətin sayı ehtiyatdakılar da daxil olmaqla, 550 min nəfərə çatıb.
AZƏRTAC xəbər verir ki, Polşa Silahlı Qüvvələrinin Baş qərargah rəisi general Veslav Kukula bu barədə “Rzeczpospolita” nəşrinə müsahibəsində deyib.
“Buraya Polşa ordusunun bütün şəxsi heyəti - 206 mindən çox peşəkar əsgər və ərazi müdafiə qüvvələrinin hərbçiləri, həmçinin böhran zamanı xidmətə çağırılacaq ehtiyat qüvvələr daxildir”, - deyə Kukula söyləyib. Onun sözlərinə görə, ehtiyatda olan hərbçilərin sayı 300 min nəfərdən çoxdur.
Polşa Müdafiə Nazirliyi ehtiyatda olan hərbçilərin hansı birləşmələrə göndərilə biləcəyi ilə bağlı nəşrin sorğusuna cavabında bildirib ki, “ehtiyat struktur elementlərinin formalaşması ilə bağlı məlumatlar məxfidir”.
