BAKI, TurkicWorld
ABŞ məhkəməsi prezident Donald Trampın administrasiyasına, USAID-in maliyyələşdirilməsinin dayandırılmasından zərər çəkmiş yardım təşkilatlarına müəyyən ödənişləri etməyi əmr edib.
TurkicWorld AzerVoice-a istinadən xəbər verir ki, Vaşinqton Rayon Məhkəməsinin hakimi Əmir Əli, Tramp administrasiyasına martın 10-dək 2 milyard dollarlıq borcun bir hissəsini ödəməyi tapşırıb.
Tramp yanvarın 20-də xarici yardımları donduran fərman imzalayıb. Bu qərar USAID-in maliyyələşdirdiyi Qlobal Sağlamlıq Şurası və QİÇS-ə Qarşı Peyvənd Koalisiyası kimi təşkilatları çətin vəziyyətə salıb.
Trampın baş müşaviri Elon Musk, USAID işçilərinin inzibati məzuniyyətə göndərildiyini və agentliyin sosial media hesablarının bağlandığını açıqlayıb.
Məhkəmə, yardım proqramlarının müvəqqəti bərpasına göstəriş verərək, USAID ödənişlərinin davam etdirilməsinə qərar verib.
Qeyd edək ki, USAID səhiyyə, humanitar yardım və iqtisadi inkişaf sahələrində mühüm beynəlxalq proqramları maliyyələşdirir və bu yardımların dayandırılması ciddi təsirlərə səbəb ola bilər.
