Gəncə şəhər İsmət Qayıbov adına 1 nömrəli tam orta məktəbin direktoru Gülbəniz Bayramova tutduğu vəzifədən azad edilib.
Heftelik.az-ın Teleqraf-a istinadən verdiyi məlumata görə, direktorun fəaliyyəti ilə bağlı şikayətlər olduğundan o, vəzifədən kənarlaşdırılıb.
Hətta məktəbin kollektivi onun işdən getməsini istəyib. Bir müddət öncə isə Gəncə-Daşkəsən Regional Təhsil İdarəsi tərəfindən adıçəkilən təhsil müəssisəsinin direktoruna sonuncu xəbərdarlıqla şiddətli töhmət verilmişdi.
Qeyd edək ki, G. Bayramova bir il öncə sözügedən məktəbə direktor təyin olunmuşdu.
