2030-cu ildə Ramazan ayının iki dəfə yaşanacağı xüsusi bir il olacaq.
Publika.az xəbər verir ki, bu barədə "TGRT News"məlumat verib.
Hicri təqvimi Miladi təqvimdən təxminən 10-12 gün qısa olduğu üçün Ramazan ayı hər il bir qədər tez başlayır. Bu dövr təxminən hər 33 ildən bir tamamlanır və Ramazanın eyni tarixə qayıtmasına imkan verir. Bu səbəbdən bəzi illərdə xüsusi hallar yaşana bilər.
2030-cu il bu xüsusi hallardan biri kimi önə çıxır. Bu ildə Ramazan ayı yanvar ayında başlayacaq və bir ay davam edəcək və yenidən ilin sonunda, dekabrda başlayacaq. Beləliklə, müsəlmanlar 2030-cu ildə iki dəfə Ramazan orucunu tutmuş olacaqlar.
