Mark Karni bazar günü Kanadanın hakim Liberal Partiyasının yeni lideri seçilərək, ölkənin növbəti baş naziri olub.
Yeniavaz.com xəbər verir ki, partiyadaxili səsvermənin nəticələrinə görə, o, partiya üzvlərinin 85,9%-nin səsini toplayıb.
Partiyanın qurultayında açıqlanan məlumatlara görə, keçmiş maliyyə naziri və baş nazirin keçmiş müavini Kristia Friland 8 faiz, Kanada hökumətinin İcmalar Palatasının (parlamentin aşağı palatası) lideri Karina Quld və liberal deputat Frank Baylis isə təxminən 3 faiz səs toplayıb.
Qurultay milli televiziya kanallarında yayımlanıb.
Karni yalnız hazırkı baş nazir Castin Trüdo general-qubernator Meri Saymona istefa ərizəsi təqdim etdikdən sonra baş nazir postunu tutacaq.
Bunun yaxın günlərdə baş verəcəyi gözlənilir. Bundan sonra Saymon Karniyə hökumət qurmağı və and içməyi təklif edəcək.
Kanadada növbəti parlament seçkiləri oktyabrın 20-nə planlaşdırılıb, lakin Karninin erkən yazda baş tuta biləcək növbədənkənar seçkilər təyin edəcəyi gözlənilir.
Fakt budur ki, martın 24-də milli parlament öz işini davam etdirəcək və burada yeni baş nazirə etimad səsverməsi olacaq.