Vaşinqton ümid edir ki, Ukraynadakı münaqişənin həllinə kömək etmək üçün Moskvaya qarşı sanksiyaları sərtləşdirməyə ehtiyac qalmayacaq...
Poliqon TASS Agentliyinə istinadən xəbər verir ki, bunu ABŞ dövlət katibi Marko Rubio Səudiyyə Ərəbistanına uçuş zamanı jurnalistlərlə söhbətində Ukrayna ətrafında yaranmış vəziyyəti şərh edərkən deyib.
“Bu məqamda hər kəsə aydın olmalıdır ki, ABŞ-nin bu tənliyin Rusiya tərəfinə də xərclər qoymaq üçün alətləri var. Bununla belə, ümid edirik ki, buna ehtiyac olmayacaq”, deyə Rubio bildirib.
Dövlət katibi vurğulayıb ki, ABŞ prezidenti Donald Trampın məqsədi münaqişədən çıxmaq üçün Rusiya və Ukraynanı danışıqlar masası arxasına çəkməkdir.
Rubionun sözlərinə görə, Ağ Ev rəhbərinin anti-Rusiya sanksiyalarının daha da sərtləşdirilməsinin mümkünlüyü ilə bağlı son şərhləri hər şey dağılacağı təqdirdə vəziyyəti idarə etmək üçün ABŞ-nin alətlərinin olduğunu xatırladır.
Öz növbəsində senator Lindsi Qrem Rusiyanın bank və enerji sektoruna qarşı yeni sanksiyaların tətbiqi ilə bağlı qanun layihəsini ABŞ Konqresinə təqdim edəcəyini bəyan edib.
Poliqon.info
