“Roma” dünya çempionu ilə müqaviləni UZATDI

"Roma" mövsümün sonunda müqaviləsi başa çatan Leandro Paredesi komandada saxlamağı bacarıb. 

Bizim.Media xəbər verir ki, A Seriyası təmsilçisi argentinalı yarımmüdafiəçinin sözləşməsinin müddətini uzadıb. Bu barədə klubun mətbuat xidməti məlumat yayıb.

Paredes 2026-cı ilin yayına kimi paytaxt klubunun formasını geyinəcək.

Qeyd edək ki, "Roma" Leandro Paredesi 2023-cü ilin yayında PSJ-dən transfer edib. Argentina millisi ilə dünya çempionu olmuş 30 yaşlı futbolçu bu mövsüm "canavarlar"ın heyətində meydana çıxdığı 27 rəsmi matçda 1 qol və 2 məhsuldar ötürmə ilə yadda qalıb.

Rəşad Rafiqoğlu, Bizim.Media

• Müqavilə
• Roma
• A Seriyası
• Üstünlük
• Leandro Paredes