1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
UEFA Çempionlar Liqasının 2024/2025-ci il mövsümünün 1/8 final mərhələsinin "Bayer Leverkuzen"lə cavab oyununda (2:0) qol və ötürmə edən "Bavariya"nın hücumçusu Harri Keyn avrokubok turnirində britaniyalılar üçün ölkə tarixində əvvəllər heç kimin əldə etmədiyi nailiyyətə imza atıb.
Oxu.Az "Opta"ya istinadən xəbər verir ki, Keyn tarixdə bir avrokubok və ya Çempionlar Liqası mövsümündə 10 qol vuran ilk ingilis futbolçu olub.
Qeyd edək ki, bu mövsüm 31 yaşlı hücumçu bütün yarışlarda 36 matçda iştirak edib. Bu oyunlarda 32 qol vurub, 11 məhsuldar ötürmə edib.
