"Türkiyə Ukraynadakı mümkün atəşkəsin daimi olacağına və uzunmüddətli əsasda sülhə gətirib çıxaracağına ümid edir".
APA-nın İstanbul müxbirinin verdiyi xəbərə görə, bunu Türkiyənin xarici işlər naziri Hakan Fidan “Tv100” kanalına müsahibəsində bildirib.
H. Fidan, atəşkəs və sülh danışıqlarında hər iki tərəfin iştirakının vacibliyini vurğulayaraq, bu prosesdə Ankaranın hər cür dəstək verməyə hazır olduğunu qeyd edib.
