Azərbaycan ilə yoxlama matçı keçirəcək Haiti millisi artıq Bakıdadır.
Sportinfo.az xəbər verir ki, qonaq komanda Mərdəkanda ilk məşqə çıxıb.
İlk hazırlıq prosesində 16 futbolçu iştirak edib. Matça dəvət edilən 24 futbolçudan digər 8 nəfəri isə sonrakı günlər heyətə qoşulacaq.
Azərbaycan - Haiti matçı martın 22-də Sumqayıtda keçiriləcək. Martın 25-də isə millimiz Masazırda Belarus komandası ilə qarşılaşacaq.
