Azərbaycan xaricdən ərzaq alışını 2023-cü ildə 203 milyon dollar azaldıb.
KONKRET.az Dövlət Gömrük Komitəsinin məlumatına istinadən xəbər verir ki, ötən il xaricdən 2 milyard 160 milyon dollarlıq yeyinti məhsulları alınıb ki, bu 2022-ci illə müqayisədə 203 milyon dollar və ya 8,6% azdır.
Bəzi məhsullar üzrə idxalın azalması 30-40%-ə çatır. Bir sıra məhsullarda isə əksinə, idxal daha da artıb.
Beləliklə, 2023-cü ildə idxalı ən çox azalan məhsul buğda olub – 2022-ci ildəki 436 milyon dolların qarşısında 2023-də xaricdən ölkəyə cəmi 304 milyon dollarlıq buğda gətirilib – 133 milyon dollarlıq qənaət yaranıb.
İdxalı azalan 2-ci məhsul bitki və heyvan mənşəli yağ və piylərdir – 2023-cü ildə bu məhsuldan ölkəyə 184 milyon dollarlıq idxal edilib. 2022-ci ildə isə bu rəqəm 297 milyon dollar idi – 114 milyon dollar və ya 38% qənaət baş verib.
Xaricdən idxcalı azalan digər məhsul kərə yağıdır. 2022-ci ildə ölkəyə xaricdən 108 milyon dollarlıq kərə yağı idxal edilmişdi, 2023-cü ildə bu rəqəm 92 milyon dollara enib.
Ötən il xaricdən meyvə-tərəvəzin idxalı da 4-6 milyon dollar azalıb. Əvəzində ötən il xaricdən Azərbaycana düyü və süd-qaymaq idxalı artıb. İdxal edilən düyünün həcmi 50 min tondan 54 min tona, onun dəyəri isə 42 milyon dollardan 50 milyon dollara yüksəlib. Süd qaymaq idxalı isə 19 milyon dollardan 24 milyon dollara artıb.
Daha detallı cədvəldə:
2023
(min
dollar)
2022
(min
dollar)
azalma
(min
dollar)
mәnşәli piylәr
vә yağlar
2023-cü ildə Azərbaycana ərzaq məhsullarının idxal miqdarı 2022-ci illə müqayisədə 8,2% azalıb.
Daha detallı cədvəldə :
| Məhsullar | Miqdar | Miqdar | Artım -azalma | Artım- azalma Faizlə |
| Yeyinti mәhsulları | 1 887 806 | 2 056 626 | – 168 821 | – 8.2% |
| O cümlədən | ||||
| Әt | 41 708 | 44 573 | – 2 865 | – 6.4% |
| Süd vә qaymaq | 12 661 | 10 088 | + 2 573 | +25.5% |
| Kәrә yağı | 16 596 | 18 563 | – 1 966 | – 10.6% |
| Tәrәvәz vә meyvә | 352 882 | 378 098 | – 25 216 | – 6.7% |
| Çay | 13 676 | 14 406 | – 730 | – 5.1% |
| Buğda | 1 175 341 | 1 292 996 | – 117 655 | – 9.1% |
| Qarğıdalı | 73 062 | 75 864 | – 2 802 | – 3.7% |
| Düyü | 54 591 | 50 236 | + 4 355 | +8.7% |
| Bitki vә heyvan mәnşәli piylәr vә yağlar | 147 287 | 171 802 | – 24 514 | – 14.3% |
