“Ketlin” Britaniyanı vurdu: minlərlə ev işıqsız qaldı

Britaniya və İrlandiya üzərindəki “Ketlin” qasırğa şənbə günü hava limanlarında işlərin dayanmasına, reyslərin təxirə salınmasına səbəb olub, minlərlə britaniyalı işıqsız qalıb.

Axar.az xəbər verir ki, bu barədə “Röyters” məlumat yayıb.

Məlumata görə, qasırğa İrlandiya və Britaniya aeroportlarında, xüsusilə Belfast və Mançesterdə aviaəlaqənin kəsilməsinə səbəb olub.

Şotlandiyada dəmir yolu və bərə xidmətləri də qasırğa səbəbindən dayandırılıb.

Bildirilib ki, qasırğa ilə əlaqədar bütün İrlandiyada elektrik enerjinini verilişi dayandırılıb. Nəticədə 34 minə yaxın ev, ferma və digər obyektlər işıqsız qalıb.