- Gecə Modu
- Ana səhifə
- İstifadəçilər
- Səhifələr
- Reytinq
- Hava
- Valyuta
İdman
AFFA-dan "Qəbələ" rəsmisinə ağır cəza
13:48 18.04.2024
- Smartbee
- Şikayət et
AFFA-nın intizam komitəsinin növbəti iclası keçirilib.
Qaynarinfo-nun məlumatına görə, Azərbaycan Premyer Liqası 30-cu turuna həsr olunmuş iclasda aşağıdakı qərarlar qəbul olunub.
"Sumqayıt” – "Zirə” oyununun 52-ci dəqiqəsində "Sumqayıt” klubunun azarkeşləri tərəfindən pirotexniki vasitədən istifadə edildiyinə görə "Sumqayıt” klubu 1500 manat cərimə edilir (maddə 52.2);
"Sumqayıt” – "Zirə” oyunu bitdikdən sonra meydançaya kənar şəxslər daxil olduğuna görə "Sumqayıt” klubu 800 manat cərimə edilir (maddə 51.2);
"Qəbələ” – "Turan Tovuz” oyununda "Qəbələ” klubunun 4 futbolçusu sarı vərəqə aldığına görə "Qəbələ” klubu 700 manat cərimə edilir (maddə 37);
"Qəbələ” – "Turan Tovuz” oyununun fasiləsində "Qəbələ” klubunun meneceri Səbuhi Səfiyarlı hakimləri təhqir etdiyinə görə 3 oyun şərti olmaqla 5 oyun cəzalanır, "Qəbələ” klubu 4000 manat cərimə edilir. Sınaq müddəti 3 ay təyin edilir (maddə 43.4, 32);
"Qəbələ” – "Turan Tovuz” oyununda "Turan Tovuz” klubunun 5 futbolçusu sarı vərəqə aldığına görə "Turan Tovuz” klubu 700 manat cərimə edilir (maddə 37);
"Səbail” – "Kəpəz” oyununun 90+3-cü dəqiqəsində "Səbail” klubunun 4 nömrəli futbolçusu Adi Mehremiç hakimi təhqir etdiyinə görə birbaşa qırmızı vərəqə aldığı üçün 2 oyun şərti olmaqla 4 oyun cəzalanır, "Səbail” klubu 3000 manat cərimə edilir. Sınaq müddəti 3 ay təyin edilir (maddə 43.3, 32);
"Sabah” – "Qarabağ” oyununda "Sabah” klubunun 5 futbolçusu sarı vərəqə aldığına görə "Sabah” klubu 700 manat cərimə edilir (maddə 37);
"Sabah” – "Qarabağ” oyunu bitdikdən sonra meydançaya kənar şəxslər daxil olduğuna görə "Sabah” klubu 800 manat cərimə edilir (maddə 51.2);
Səbuhi Həsənov
Bütün xəbərləri reklamsız oxumaq üçün qeydiyyatdan keç və ya login ol. Günlük ölkədə baş verən xəbərləri bizdən izlə.
Şərh ()
