Yanğın Moskvanın şərqində yerləşən üçmərtəbəli inzibati və sənaye binasında baş verib.
32gun.az bildirir ki, bu barədə TASS əməliyyat xidmətinə istinadən xəbər verib.
Məlumatda bildirilir ki, hadisə yerində çalışan yanğınsöndürənlər yanğının söndürülməsi üçün təyyarələrə müraciət ediblər.
"Hazırda yanğına cavab vermək üçün aviasiyaya müraciət edilib", - deyə agentliyin mənbəsi bildirib.
O, həmçinin əlavə edib ki, fövqəladə hallar xidmətinin əməkdaşları hadisə baş verən ərazidə nəqliyyatın hərəkətini tənzimləmək üçün iki yol polisi briqadasına müraciət edib.
Eyni zamanda, Shot Telegram kanalının məlumatına görə , alov Burakova küçəsindəki binanı bürüyüb. Söhbət süni daş istehsalı zavodundan gedir, burada yanğın nəticəsində damın uçması təhlükəsi yaranıb.
"Yanğın 3-cü mərtəbədəki mebel sexində baş verib və sürətlə bütün əraziyə yayılır", - deyə məlumatda qeyd edilib.
Rusiya Federasiyası Fövqəladə Hallar Nazirliyinin rəsmi Telegram kanalı aydınlaşdırır ki, hazırda yanğın sahəsi 2500 kvadratmetrə çatıb. Üstəlik, binanın birinci və ikinci mərtəbələri arasında çökmə baş verib. Uçmuş tikilinin sahəsi 1000 kvadratmetrdir.
Hələlik itkilər barədə məlumat daxil olmayıb. Yanğının dəqiq nədən baş verdiyi də məlum deyil.
