Bu həftə seçkiqabağı qəbulunda ABŞ prezidenti Co Bayden bir sıra ölkələri, o cümlədən ABŞ-ın əsas müttəfiqlərindən biri olan Yaponiyanı təhqir edərək, Amerika immiqrasiyasının tarixini tərifləyib.
Tezadlar.az xəbər verir ki, bu barədə “New York Times” məlumat yayıb.
Bayden çıxışı zamanı deyib ki, ksenofobiya bəzi ölkələrin böyüməsini ləngidir. O vurğulayıb ki, Amerika iqtisadiyyatı məhz miqrant axını sayəsində inkişaf edir.
“Çin niyə iqtisadi cəhətdən bu qədər durğunlaşıb, Yaponiyanın niyə problemləri var, niyə Rusiya, niyə Hindistan, çünki onlar ksenofobdurlar. Onlar immiqrant istəmirlər. Bizi güclü edən immiqrantlardır”, - Bayden deyib.
“NYT”-nin qeyd etdiyi kimi, Bayden bu sözlərlə Amerikanın iki tərəfdaşını bir anda "vurdu" - o, Yaponiya və Hindistanın "ksenofob olduqları üçün" iqtisadi çətinliklər yaşadığını söyləyib.
Qəzet vurğulayır ki, Baydenin şərhləri prezidentin regionda Çinlə mübarizə strategiyasının bir hissəsi kimi illərdir Yaponiya və Hindistan hökumətlərinə arvadbazlıq edən ABŞ administrasiyası üçün diplomatik qıcıqlandırıcı ola bilər.
Milli Təhlükəsizlik Şurasının sözçüsü Con Kirbi tez izah edib ki, Bayden digər ölkələri incitməmək üçün “Amerikanın DNT-sində olan immiqrasiya” ilə bağlı fikir söyləmək istəyir. Kirbi təkid edir ki, Hindistan və Yaponiya rəsmiləri bunu başa düşüblər.
"Müttəfiqlərimiz və tərəfdaşlarımız prezident Baydenin onlara, dostluqlarına və əməkdaşlığına nə qədər dəyər verdiyini yaxşı bilirlər", - Kirbi deyib.
E.ŞİRİNOV
.jpg)