Futbol üzrə Azərbaycan millisinin hücumçusu Ramil Şeydayev Türkiyənin “Kocaelispor” komandasının heyətində növbəti matçına çıxıb.
Arena.az xəbər verir ki, sözügedən kollektiv TFF Birinci Liqanın 33-cü turu çərçivəsində “Bodrumspor”la qarşılaşıb.
Futbolçumuzun komandası səfərdə baş tutan bu görüşdə darmadağına üzülüb – 0:3.
Şeydayev bu oyuna start heyətdə başlayıb. O, fasilə ərəfəsində – 45-ci dəqiqədə əvəzlənib.
“Kocaelispor” bu nəticədən sonra 55 xalla turnir cədvəlinin 6-cı pilləsində qərarlaşıb. Bu komanda cari mövsümdə 16 qələbəyə sevinib, 7 heç-heçə edib, 10 məğlubiyyətə üzülüb.
Xatırladaq ki, Ramil Şeydayev “Kocaelispor”a yanvarın 17-də Tailandın “Buriram Yunayted” klubundan 800 min avro qarşılığında transfer olub. Onun Türkiyə klubu ilə 2025-ci ilin 30 iyununa kimi müqaviləsi var. Millimizin üzvü Kocaeli təmsilçisində 14 oyuna çıxıb və cəmi 1 qolla yadda qalıb.