Amerikalı müğənni Madonnanın Braziliyanın Rio de Janeyro çimərliyində keçirilən konsertini 1,6 milyon insan izləyib.
Publika.az xəbər verir ki, bu barədə "The Guardian" məlumat yayıb.
Bu, "Celebration World Tour"un yekun və pulsuz konserti olub.
Nəşrin məlumatına görə, ziyarətçilər təkcə Kopakabana çimərliyini deyil, həm də ona bitişik şəhər küçələrini doldurublar.
Bəzi pərəstişkarlar çıxışdan bir neçə gün əvvəl öz yerlərini tutublar. Eyni zamanda, daha zəngin fanatlar konserti yaxtalardan və ya adıçəkilən ərazidəki mənzillərin eyvanlarından izləyiblər.
