“ABŞ-nin Nevada poliqonunda apardığı subkritik nüvə sınağı dünyada nüvə silahları yarışının kəskinləşməsinə səbəb olur. Pxenyan bununla bağlı lazımi tədbirlər görməyə məcburdur”.
NOCOMMENT.az xəbər verir ki, bu barədə Şimali Koreya Xarici İşlər Nazirliyinin bəyanatında qeyd olunub. Bildirilib ki, aparılan sınaq nüvə dövlətləri arasında hərbi qarşıdurmada yeni gərginlik yaradır.
Qlobal nüvə silahları yarışını sürətləndirir. Heç bir halda bu nüvə sınağının Koreya yarımadası regionunda hərbi təhlükəsizlik vəziyyətinə təsirinə yol verilməməlidir.
Nüvə silahı təhlükəsinə hərtərəfli hazırlığın artırılması üçün lazımi tədbirlər görməyə məcburuq.
