Bakıda MİS əməkdaşı maşınların arasında qalaraq iki ayağını itirib

Məişət tullantılarını yığan şəxs iki maşının arasında qalaraq iki ayağını itirib

APA xəbər verir ki, Bakının Xətai rayonu, Afiyyədin Cəlilov küçəsində ağır yol qəzası qeydə alınıb.

Belə ki, əyləncə mərkəzinin məişət tuallantılarını yük maşınına yükləyən mənzil istismar sahəsinin əməkdaşı 51 yaşlı Babakişiyev Məmməd Əzizağa oğlunu “Toyota” markalı minik avtomobili vurub.

Zərbə zamanı yük maşınına çırpılan Məmməd Babakişiyev hər iki ayağından ağır xəsarət alıb.

Kliniki Tibbi Mərkəzə çatdırılan mənzil istismar sahəsinin əməkdaşı cərrahi əməliyyat ediib. Növbətçi həkimin verdiyi məlumata görə, Məmməd Babakişiyevin hər iki ayağı amputasiya edilib.

Hadisə üzrə əraziyə Xətai Rayon Polis İdarəsinin əməkdaşı cəlb edilib. Minik avtomobilinin sürücüsünün izahatı alınıb. Fakta hüquqi qiymət araşdırmalardan sonra veriləcək.