Mərkəzi Gömrük Hositalının yüksəkixtisaslı anestezioloq-reanimatoloqu - Könül Həsənova

O, 1996-1998-ci illərdə İran İslam Respublikası Şəhid Babayi Universitetində Müalicə işi fakültəsində, 1998-2004-cü illərdə Azərbaycan Tibb Universitetinin Müalicə işi fakültəsində təhsil alıb. 2004-2005-ci illərdə M.Ə.Əfəndiyev adına 2 saylı klinik xəstəxanasının anesteziologiya və reanimasiya şöbəsində anestezioloq-reanimatoloq ixtisası üzrə internatura keçib.

 

Könül Həsənova əmək fəaliyyətinə 2011-ci ildə Naxçıvan Muxtar Respublikasında dövlət tibb müəssisəsində anestezioloq-reanimatoloq kimi başlayıb. 2013-cü ildən Mərkəzi Gömrük Hospitalının Əməliyyatxana, Anesteziologiya və Reanimasiya anestezioloq-reanimatoloq kimi fəaliyyət göstərir.

 

 

Həkim Mərkəzi Gömrük Hospitalında ümimi anesteziya, regional anesteziya, traxeyanın inturbasiyası və eksturbasiyası, mərkəzi damarlara kateterin qoyulması, invaziv və non-invaziv monitorinq, ağciyərlərin invaziv və non-invaziv ventilasiyası, lumbal punksiya və onurğa beyin mayəsinin alınması, bronxoskopiya ilə bronxların lavajı, defibrilasiya və kardioversiya, ürək daxili inyeksiya və digər prosedurları həyata keçirir.

 

Daim öz üzərində çalışan və tibbin son nailiyyətlərini fəaliyyətində tətbiq edən Könül həkim müxtəlif illərdə Azərbaycanda və xaricdə keçirilən çoxlu sayda konfrans və elmi tədbirlərdə iştirak edib. O, 2011-ci ildə Türkiyənin İzmit şəhərində yerləşən Kocaeli Egitim-Araştırma Xəstəxanasında təkmilləşdirmə kursunda, 2013-cü ildə Türkiyənin Ankara şəhərində Atatürk Eğitim-Araşdırma Xəstəxanasında təkmilləşdirmə kursunda, 2014-cü ildə Türkiyənin İzmir şəhərində Ege Universiteti Xəstəxanasında Perfuziologiya kursunda və Azərbaycanda keçirilən müxtəlif tibbi elmi tədbirlərdə iştirak edib.

 

Könül Həsənova 2022-ci ildə “Azərbaycan Respublikası Dövlət Gömrük Komitəsinin 30 illiyi” Azərbaycan Respublikasının yubiley medalı ilə və 2021-ci ildə Azərbaycan Respublikası Səhiyyə nazirliyi tərəfindən Fəxri Fərman ilə təltif olunub.