Argentinalı hücumçu Lionel Messinin "Barselona" ilə ilk müqaviləsini imzaladığı vaxt yanında olan salfet hərraca çıxarılıb.
QOL.az xəbət verir ki, hərracın başlanğıc qiyməti 300 min funt sterlinqdir. Hərrac mayın 17-dək davam edəcək.
Qeyd edək ki, Messi "Barselona"nın yetirməsidir. Hücumçu 2003-cü ildə klubun əsas komandasında oynamağa başlayıb. O, Kataloniya təmsilçisi ilə 10 dəfə İspaniya çempionu olub, 7 dəfə İspaniya kubokunu və 4 dəfə Çempionlar Liqasını qazanıb.
2021-ci ildə Messi "Barselona"dan ayrılıb və azad agent kimi PSJ-yə keçib. O, 2023-cü ilin yayından "İnter Mayami"də çıxış edir.
