Ukrayna hərbçiləri ilk dəfə olaraq Rusiyanın Belqorod vilayətinə Almaniyanın “Leopard-2” tankı ilə hücum ediblər. News365.az xəbər verir ki, bu barədə Mash Telegram kanalı məlumat yayıb.
Qeyd edilir ki, Ukrayna Silahlı Qüvvələrinin tank ekipajı Novopetrovka kəndinə 120 mm-lik 15 mərmi atıblar. Atış Xarkov vilayətinin Ambarnoye kəndindən reallaşıb.
Paylaşımda tazılıb: “Mövqeni maksimum uzaqdan götürmüşdülər- hədəfdən 5,5 km uzaqda olub".
Mərminin təsirli uçuş məsafəsi cəmi 3,5 km olduğuna görə bir dənə də olsun sursat heç bir evə dəyməyib.
“Hər hansı tələfat və dağıntı yoxdur”, - nəşr yekunlaşdırıb.
Xatırladaq ki, Rusiya ilə Ukrayna arasındakı genişmiqyaslı müharibə 2022-ci ilin fevralın 24-də başlayıb. Moskva işğal zamanı qoşunları Kiyevə qədər apara bilsə də, sonradan müharibədə üstünlük nisbətən Ukraynanın tərəfinə keçib. Ukrayna qoşunları ötən ilin iyunundan əks-hücum əməliyyatlarına başladılar. Amma bu da uğurlu olmadı. Son aylarda isə Rusiya yenidən döyüş meydanındakı vəziyyəti öz xeyrinə dəyişə bilib.
Tural