Ötən il Azərbaycanda kredit sığortası üzrə 5,2 milyon manat sığorta haqqı toplanılıb.
Bu barədə Day.Az Azərbaycan Mərkəzi Bankından məlumat əldə edib.
Məlumata əsasən, bu, 2023-cü ildəki göstərici ilə müqayisədə 3,4 milyon manat və ya 2,8 dəfə çoxdur.
Eyni zamanda hesabat dövründə kredit sığortası üzrə 2 min manat sığorta ödənişləri həyata keçirilib ki, bu da 2023-cü ildəki göstəriciyə nisbətən 74 min manat və ya 38 dəfə çoxdur.
Qeyd edək ki, 2024-cü il ərzində Azərbaycanda sığorta yığımlarının həcmi 1,3 milyard manat təşkil edib. Bu, 2023-cü ildəki göstəricilərlə müqayisədə 130,6 milyon manat və ya 10,7% çoxdur.
Hesabat dövründə sığorta şirkətlərinin etdiyi ödənişlərin həcmi isə 752,7 milyon manat olub ki, bu da illik müqayisədə 165,4 milyon manat və ya 28,1% artım deməkdir.
