Son zamanlar dünyada təyyarə qəzalarının artması diqqətəlayiq ölçülərə çatmışdır.
Dünyanın müxtəlif yerlərində baş verən qəzalar aviasiya sektorunda təhlükəsizlik standartlarını bir daha gündəmə gətirsə də, təkcə son 2 ayda 6 böyük təyyarə qəzası baş verib.
Bu qəzalar nəticəsində ümumilikdə 313 nəfər həyatını itirərkən, son iki ayın ən böyük aviasiya hadisələri Cənubi Koreya, Qazaxıstan, Cənubi Sudan və ABŞ-da qeydə alınıb.
25 dekabr 2024-cü il tarixində Bakıdan Qroznıya uçan Azərbaycan Hava Yollarına məxsus sərnişin təyyarəsi Qazaxıstanın Aktau şəhəri yaxınlığında qəzaya uğrayıb.
Təyyarədə 5-i ekipaj üzvü olmaqla 67 nəfər olub. Qəzada 32 nəfər sağ qalarkən, 38 nəfər həyatını itirib.
2024-cü il dekabrın 29-da Taylandın Banqkok şəhərindən havaya qalxan sərnişin təyyarəsi eniş şassisi aşağı düşmüş halda gövdəsi ilə Cənubi Koreyanın paytaxtı Seulun Muan Beynəlxalq Hava Limanına enib və divara çırpılıb.
Cənubi Koreyada baş verən ən ölümcül təyyarə qəzasında dörd ekipaj üzvü olmaqla 179 nəfər həyatını itirib, iki kabin heyəti üzvü isə xəstəxanaya yerləşdirilib.
29 yanvar 2025-ci ildə Cənubi Sudanda neftçiləri daşıyan təyyarə havaya qalxarkən qəzaya uğradı.
Təyyarədə olan 21 nəfərdən 20-si həyatını itirib.
