Gürcüstanda etiraz aksiyalarının keçirilməsi qaydaları sərtləşdiriləcək.
Bu barədə “Sputnik Geogria” özünün teleqram kanalında yazıb.
Belə ki, hakimiyyət etirazçılara avtomobil yollarını, dəmir yollarını, tunelləri və yerüstü keçidləri bağlamağı qadağan etməyi planlaşdırır.
Nəşr yazır ki, təşviqat da əvvəlcədən xəbərdar edilməlidir.
Qeyd edək ki, Tbilisidə etirazlar 2024-cü il noyabrın 28-də Baş nazir İrakli Kobaxidzenin Gürcüstanın 2028-ci ilin sonuna qədər Avropa İttifaqı ilə danışıqları dayandırmasından sonra yenidən başlayıb.
Son aksiyalarda isə etirazçılar əsasən təkrar parlament seçkilərinin keçirilməsini və axırıncı iki ayda saxlanılan etirazçıların azadlığa buraxılmasını tələb edirlər.
