Ölkə ərazisinin yoluxucu heyvan xəstəliklərindən qorunması məqsədilə bəzi ərazilərə tətbiq edilmiş məhdudiyyətlər aradan qaldırılıb.
Xezerxeber.az xəbər verir ki, bu barədə Azərbaycan Qida Təhlükəsizliyi Agentliyi (AQTA) məlumat yayıb.
Bildirilib ki, Ümumdünya Heyvan Sağlamlığı Təşkilatının rəsmi məlumatlarına əsasən, Şotlandiyanın Aberdinşir inzibati ərazi vahidində, Orkney adalarında, Perunun Lambaeke, Lima, İka regionlarında, Xorvatiyanın Brodsko-Posavska inzibati ərazi vahidində, Kamboca Krallığının Kampot, Battambanq əyalətlərində, İtaliyanın Apuliya regionunda, Litvanın Mariyampol dairəsində, ABŞ-nin Oreqon, Yuta ştatlarında yüksək patogen quş qripi xəstəliyi aradan qaldırılıb.
Rusiyanın Vladimir vilayətində Nyukasl, Çinin isə Çonqqinq əyalətində qeydə alınmış dabaq xəstəliyinin olmadığı müəyyən edilib.
Eyni zamanda müvafiq tədbirlərin görülməsi üçün Dövlət Gömrük Komitəsinə müraciət olunub.
