"Neftçi” yeni transferinin adını açıqlayıb. Klubdan SİA-ya verilən məlumata görə, “ağ-qaralar” 22 yaşlı braziliyalı Aleks Fernandeslə anlaşıb.
O, yeni komandasında 11 nömrəli formanı geyinəcək. Oyunçu Rusiyanın “Baltika” klubundan bu mövsümün sonuna kimi icarəyə götürülüb. Razılaşmaya görə, icarə müddəti sonradan daha 6 ay uzadıla bilər. Aleks Braziliyanın “Atletiko Mineyro” və “Santos” klublarının U-20 komandalarında çıxış edib, 2022-ci ildə isə Bolqarıstan “Çerno More”sinə keçib. 2024-cü ilin fevralından şərəfini qoruduğu “Baltika”nın heyətində Rusiya I Liqasında bu mövsüm meydana çıxdığı 15 oyunda 3 qola imza atıb.
