Gəndob-Yalama yolunun Xaçmaz rayonunun Qusarçay kəndi ərazisindən keçən hissəsində piyadanın ölümü ilə nəticələnən yol-nəqliyyat hadisəsi baş verib.
Oxu.Az-ın məlumatına görə, hadisə zamanı “Toyota” markalı avtomobil yolu keçən piyada Şeydabəy Qəhrəmanovu vurub.
Piyada aldığı xəsarətlərdən hadisə yerində ölüb.
Faktla bağlı cinayət işi başlanılıb.
Qeyd edək ki, Ş.Qəhrəmanov Dövlət Sərhəd Xidmətinin (DSX) zabiti olub.
