Almaniya kansleri və qarşıdan gələn növbədənkənar seçkilərdə Sosial Demokrat Partiyasının namizədi Olaf Şolts hökuməti daha əvvəl buraxmalı olduğunu etiraf edib...
Poliqon xəbər verir ki, bu barədə Tagesspiegel qəzeti yazıb.
"Yəqin ki, hökuməti daha əvvəl ləğv etməliydim" deyən Şolts özünü oyun zamanı meydançanın kənarına çəkilməyən bir idman komandasının kapitanı ilə müqayisə edib.
Şolts qeyd edib ki, koalisiya tərəfdaşları vəziyyəti düzəltmək üçün bir az daha çox cəhd etməli imiş.
Bir gün əvvəl Xristian Demokrat və Xristian Sosial Birlik (CDU/CSU) blokundan Almaniya kansleri vəzifəsinə namizəd Fridrix Merz sağçı Almaniya üçün Alternativ (AfD) partiyasının populyarlığının artmasında hazırkı kansler Şoltsun siyasətini günahlandırıb. Onun sözlərinə görə, Almaniyanın Şolts və hökumətinin işindən daşıdığı ən ciddi yük AfD-nin qarşıdan gələn seçkilərdə nəticələrini demək olar ki, ikiqat artırmasıdır.
2024-cü il dekabrın sonunda Almaniya prezidenti Frank-Valter Ştaynmayer parlamenti buraxmaq və 2025-ci il fevralın 23-nə növbədənkənar seçkilər təyin etmək qərarına gəldiyini açıqlayıb. Bundestaqın buraxılması təklifi 16 dekabr 2024-cü ildə Bundestaq səs çoxluğu ilə hökumətindən etimadı geri götürmək üçün səs verdikdən sonra Şolts tərəfindən Ştaynmayerə göndərilib.
Poliqon.info
