Türkiyənin avtomobil istehsalçısı Tofaş 2024-cü ilin 4-cü rübündə 121 milyon Türkiyə Lirəsi (TL) xalis zərər açıqlayıb. Bazarın proqnozu 561 milyon TL xalis mənfəət elanı idi.
Marja xəbər verir ki, Tofaş-ın 2024-cü il üçün xalis mənfəəti illik müqayisədə 76 faiz azalaraq 5,2 milyon TL olub. Xalis mənfəət marjası 203-cü ildəki 11,8 faizdən 2024-cü ildə 4,3 faizə qədər azalıb.
Xalis mənfəətin azalmasına daxili bazarda rəqabətin artması, istehsal gücündən istifadə səviyyəsinin aşağı olması və inflyasiyanın mənfi təsiri səbəb olmuşdur.
Tofaş-ın satış gəlirləri 2024-cü ilin 4-cü rübündə bazar gözləntilərinə yaxın 27,7 milyard TL olaraq reallaşıb. 2024-cü ildə satış gəlirləri illik 34,7 faiz azalaraq 120,2 milyard TL təşkil edib. Satış gəlirlərinin azalması satışların azalması ilə əlaqədardır. Ümumi mənfəət marjası 2024-cü ildə 11,1 faiz təşkil edib. 2023-cü ildə 18,1 faiz idi.
EBİTDA, 2024-cü ilin 4-cü rübündə 214,8 milyon TL ilə 878 milyon TL olan bazar gözləntisindən aşağı olub. 2024-cü il üçün EBITDA rəqəmi illik müqayisədə 66% azalaraq 9,4 milyard TL olub. EBITDA marjası 2024-cü ildə 7,9%-ə düşüb. 2023-cü ildə 15,4% səviyyəsində idi. EBITDA marjasının azalması dövriyyənin və mənfəət marjasının azalması ilə əlaqədardır.
Şirkətin satış həcmi 2024-cü ilin dördüncü rübündə 44 faiz azalaraq 40 min ədəd, 2024-cü ildə isə 2023-cü illə müqayisədə 33 faiz azalaraq 174 min ədəd olub. Yeni məhsullara keçid və ixracda yaşanan geriləmə azalmada mühüm rol oynayıb.
Şirkətin ixrac həcmi illik müqayisədə 45 faiz azalaraq 2024-cü ildə 33 560 ədədə düşüb. Yeni istehsal modelləri keçid dövründə ixrac tempinə təsir edib.
Şirkətin 2025-ci il üçün proqnozları daxili bazarda azalmaya işarə edir, ixracda isə güclü canlanma baş verə bilər.
Tofaş 2025-ci ildə yerli yüngül avtomobil bazarında azalma gözləyir. 2024-cü ildə Türkiyədə 1,24 milyon ədəd olan ümumi satışların 2025-ci ildə 900 min ilə 1,1 milyon arasında olacağı gözlənilir.
Tofaş 2024-cü ilə nisbətən daxili bazar satışlarında azalma gözləyir. 2024-cü ildə 143 700 ədəd olan satışın 2025-ci ildə 110 000 ilə 130 .000 ədəd arasında olacağı gözlənilir.
Şirkət ixrac həcmlərinin bərpasını gözləyir. 2024-cü ildə 33 560 ədəd olan ixrac həcminin 2025-ci ildə 70 000 ilə 90 000 ədəd arasında olacağı gözlənilir.
İstehsalın 2024-cü ildəki 140 500 ədəddən 2025-ci ildə 150 000-170 000 ədədə yüksələcəyi gözlənilir. İxrac həcminin artmasının istehsalı dəstəkləyəcəyi gözlənilir.
2024-cü ildə 138 milyon avro olan investisiyaların 2025-ci ildə 150 milyon avroya çatacağı nəzərdə tutulur.
2024-cü ildə 4,1 faiz olan vergidən əvvəlki mənfəət marjasının 2025-ci ildə 5 faizdən yuxarı qalxacağı gözlənilir.
