“Wall Street Journal” Amerika qoşunlarının Ukraynaya göndərilməsi ehtimalı ilə bağlı sözlərimi təhrif edib”.
Demokratikmusavat.comxəbər verir ki, bunu ABŞ-nin vitse-prezidenti Ceyms Devid Vens sosial şəbəkə hesabında bildirib.
“Amerika maraqlarını və təhlükəsizliyini təmin etmədikcə, Amerika qoşunları heç vaxt zərərə məruz qalmamalıdır. Bu müharibə Rusiya ilə Ukrayna arasındadır. WSJ-nin mənim sözlərimi bu məqalə üçün təhrif etməsi absurddur. Lakin təəccüblü deyil ki, onlar daha çox amerikalı oğlan və qızın hərbi formada xaricə göndərilməsini təmin etmək üçün illərini sərf ediblər”.
Xatırladaq ki, qəzetin yaydığı məlumata görə, ABŞ Rusiyanı Putin Kiyevlə sülhə razı olmasa, Ukraynaya qoşun yeridəcəyi və sanksiyalar tətbiq edəcəyi ilə hədələyib. Nəşr vitse-prezidentin bəyanatlarını Tramp administrasiyasından bu günə qədər Ukraynaya verilən ən qəti dəstək kimi qiymətləndirib.
